Лінкі ўнівэрсальнага доступу

Дзень кнігі ў цытатах


У сьвеце адзначаецца Дзень кнігі. На пытаньне, чаму так важна чытаць адказваюць беларускія і сусьветныя пісьменьнікі.

Сьвятлана Алексіевіч:

«За апошнія тры месяцы я была ў пяці эўрапейскіх краінах, і мне паўсюль казалі адну цікавую рэч: «Цяпер ізноў час кнігі». Вось уявіце — гэтыя эўрапейскія грамадзтвы, пра якія можна казаць, што тэхнічна яны больш «прасунутыя», ізноў пачалі чытаць кнігу».

Марсэль Пруст:

«Не, у нашым дзяцінстве, відаць, не было такіх дзён, пражытых найбольш поўна, як тыя, што мы правялі з улюбёнай кнігай».

Янка Брыль:

«Калі я чытаю добрую кнігу, не папракайце мяне ў гультайстве. Ня хочаце прызнаць, што я працую, дык думайце, што я малюся — Слову».

Харукі Муракамі:

«Калі ты чытаеш толькі тыя кнігі, якія чытаюць усе, ты можаш думаць толькі пра тое самае, пра што думае кожны».

Франц Кафка:

«Я думаю, мы мусім чытаць толькі тыя кнігі, які раняць ці пранзаюць нас. Калі кніга, якую мы чытаем, не ўзрушвае вас, як удар па галаве, навошта яе ўвогуле чытаць?»

Уладзімер Караткевіч:

«Мова, прыгожае пісьменства, паэзія, музыка ‒ сродак сувязі між душамі людзей, вышэйшы сродак».

Генры Мілер:

«Мы павінны чытаць, каб даць нашым душам шанец атрымаць асалоду».

Курт Ванэгут:

«Я веру, што чытаньне і пісаньне самыя пажыўныя формы мэдытацыі, якія калісьці былі знойдзены. Адна чытаючы тое, што напісалі самыя цікавыя розумы ў гісторыі, мы мэдытуем са сваім уласным розумам і зь іхнім. Для мяне гэта сапраўдны цуд».

Сяргей Календа:

«Чытаньне само па сабе для мяне такое ж лягічнае і абсалютна натуральнае, як дыханьне і сьвятло сонца».

Паводле The Guardian і Радыё Свабода

Паказаць камэнтары

XS
SM
MD
LG