Лінкі ўнівэрсальнага доступу

Брытанскага журналіста высылаюць з Расеі з-за бясплатнай лекцыі


Фонд Calvert 22

Фонд Calvert 22

Суд у Ніжнім Ноўгарадзе прыняў рашэньне пра высылку з Расеі брытанскага журналіста Артура Хаўса.

Суд прызнаў, што намесьнік галоўнага рэдактара брытанскага інтэрнэт-выданьня The Calvert Journal і галоўны рэдактар онлайн-часопісу The Junket парушыў візавы рэжым.

Артур Хаўс быў затрыманы адразу пасьля бясплатнай лекцыі па онлайн-журналістыцы, зь якой выступіў у філіяле Дзяржаўнага цэнтру сучаснага мастацтва «Арсенал» у рамках дабрачыннай праграмы фонду Calvert 22.

Як апавёў выданьню «Коммерсант» адвакат журналіста Дзьмітры Кузаўкоў, прычынай затрыманьня стаў той факт, што Хаўс прыехаў у Расею па працоўнай візе, якая не дазваляе выступаць зь лекцыямі і весьці іншую адукацыйную дзейнасьць.

Фонд выказаў гатоўнасьць высьветліць, чаму віза была няправільна аформленая, а затым прыме рашэньне, ці абскардзіць пастанову суду.

XS
SM
MD
LG