Лінкі ўнівэрсальнага доступу

logo-print

На расейскай мяжы затрымалі 115 беларускіх быкоў. Іх могуць зьнішчыць


Russia - Village near border with Belarus, Degtyaryovka, 29Mar2016

Russia - Village near border with Belarus, Degtyaryovka, 29Mar2016

У Пскоўскай вобласьці каля мяжы затрыманыя чатыры грузавікі, якія перавозілі 115 беларускіх быкоў з падробленымі вэтэрынарнымі дакумэнтамі.

Пра гэта паведамляецца на сайце Рассельгаснагляду.

Затрымлівалі грузавікі з быкамі супрацоўнікі Рассельгаснагляду сумесна з памежнікамі.

«Па ўзгадненьні зь Дзяржаўнай управай вэтэрынарыі Пскоўскай вобласьці жывёлы разьмешчаны ў ізаляваных умовах для правядзеньня карантынных мерапрыемстваў або наступнага іх зьнішчэньня», — паведамляе расейскае ведамства.

Падчас агляду быкоў высьветлілася, што біркі, замацаваныя на вушах, сьведчаць пра паходжаньне жывёл зь Беларусі.

Рассельгаснагляд просіць падаць любую інфармацыю пра ўладальніка жывёл і магчымага атрымальніка.

Быкоў перавозілі з вэтэрынарным пасьведчаньнем, якое выдаў лекар Кайбецкага раёну Татарстану, якое, паводле папярэдняй інфармацыі, зьяўляецца падробленым.

XS
SM
MD
LG