Лінкі ўнівэрсальнага доступу

logo-print

У Баранавічах забаранілі ставіць «валун падзякі» за падвышэньне пэнсійнага ўзросту


Мікола Чарнавус

Мікола Чарнавус

Баранавіцкі гарвыканкам не дазволіў Міколу Чарнавусу зладзіць акцыю ў Старым парку, «каб падзякаваць за падвышэньне пэнсійнага ўзросту».

У адказе грамадзкаму актывісту чыноўнікі паведамілі, што ў заяўцы парушаны артыкул 5 закону аб масавых мерапрыемствах.

Мікола Чарнавус хацеў усталяваць у парку валун з надпісам «Дзякуй роднай уладзе за падвышэньне пэнсійнага ўзросту».

Да таго ж Чарнавус меркаваў пасадзіць 58 вербаў і 63 дубы, якія б сымбалізавалі колькасьць гадоў да выхаду на пэнсію адпаведна жанчын і мужчын.

Раней улады забаранілі Міколу Чарнавусу зладзіць у Старым парку Баранавічаў прабежку з 50-мэтровым плякатам з надпісам «Улада — сыходзь!».

XS
SM
MD
LG