Лінкі ўнівэрсальнага доступу

Пытаньні і адказы Пуціна: прамая лінія за хвіліну


Каротка пра тое, пра што пыталіся расейцы і што адказваў Пуцін.


За 3 гадзіны 40 хвілінаў прэзыдэнт Расеі адказаў амаль на 80 пытаньняў.
Дык вось, калі коратка:

— У расейскай эканоміцы цяпер белая або чорная паласа?

— Шэрая. А затрымкі заробкаў, якіх стала больш — з-за крызісу ў эканоміцы.

— Што рабіць з дарогамі?

— «Праблема сапраўды абвастрылася». Пасьля першага пытаньня Пуціну ў Омску ўжо прыняліся рамантаваць дарогі, абяцаюць на 1 траўня скончыць.

— Ці будзе Пуцін падаваць у суд за «Панамскі архіў»?

— Гэта «інфармацыйны ўкід», але там ёсьць «дакладная інфармацыя». Арганізатары уцечкі «наводзяць цень на пляцень» і «патрапілі пальцам у неба, а можа быць — у нейкае іншае месца». Ралдугін на ўсе грошы купіў музычныя інструмэнты.

— Што адбываецца ў Сырыі?

— Сытуацыя там складаная (асабліва ў Алепа), але палітычны працэс прывядзе да міру. Расея разам з ЗША працуе над гэтым.

— «Дзе мяжа», ці можна называць апазыцыю — ворагамі народу?

— «У Кадырава была складаная ўнутраная трансфармацыя», але падобныя выказваньні не дадаюць краіне стабільнасьці, у гэтым ёсьць і хібы Пуціна.

— Калі Пуцін прадставіць новую першую лэдзі?

— Прэзыдэнт сышоў ад адказу. Сказаў, што ў яго былой жонкі ўсё добра, у самога Пуціна — таксама. «Калі-небудзь я ўсьцешу ваша цікаўнасьць».

— Што там «Адзіная Расея»?

— Гэта «стабілізуючы элемэнт», партыя вядзе Расею «паміж Сцылай і Харыбдай».

— Якія тры жаданні Пуцін бы загадаў залатой рыбцы?

— Разьлічваць трэба толькі на сябе: «Ніхто нам не дапаможа, ні цар, ні бог <...> всё сваёімі ўласнымі рукамі мы павінны зрабіць».

— Што з Украінай, што Пуцін думае пра новы ўрад?

— «Нічога» ня думае, ва Ўкраіне жудасная інфляцыя і менавіта па віне Кіева, лічыць Пуцін, не выконваюцца Менскія пагадненьні. Але пры гэтым Расеі «патрэбная стабільная, квітнеючая Ўкраіна».

— А з Турцыяй?

— Турцыя — сябар, але «але некаторыя яе лідэры паводзяць сябе неадэкватна». Адпачынак у Турцыі цяпер небясьпечны.

— Калі будуць тануць Парашэнка і Эрдаган, каго ўратуеце першым?

— «Калі хтосьці вырашыў патануць, выратаваць яго немагчыма».

— Ці можа прэзыдэнтам Расеі стаць жанчына? «А то тата кажа, што толькі Пуцін можа справіцца з Амэрыкай».

— «Нам трэба думаць не пра тое, як справіцца з Амэрыкай, а як справіцца з унутранымі пытаньнямі і праблемамі», — адрэагаваў Пуцін. Дарэчы, па словах прэзыдэнта РФ, «дзейны прэзыдэнт ЗША — прыстойны чалавек» (таму што Абама прызнаў памылковыя рашэньні ў Лібіі). А жанчына, вядома, можа быць кіраўніком дзяржавы.

— Ці лаецца Пуцін матам?

— Лаецца, але «на сябе толькі».

— Па якіх яшчэ ворагам ўдараць расейскія ВКС?

— У першую чаргу — па бездаражы і разгільдзяйству.

Паказаць камэнтары

XS
SM
MD
LG