Лінкі ўнівэрсальнага доступу

МЗС і ЦВК пра даклад Дзярждэпартамэнта ЗША аб сытуацыі з правамі чалавека


Карэспандэнт Свабоды зьвярнуўся ў Міністэрства замежных спраў Беларусі і ў Цэнтравыбаркам з просьбай пракамэнтаваць штогадовы даклад Дзярждэпартамэнта ЗША аб сытуацыі з правамі чалавека ў сьвеце.

У дакумэнце гаворыцца, што ў Беларусі захоўваюцца «значныя праблемы ў сфэры правоў чалавека», Беларусь названая аўтарытарнай дзяржавай.

Прэс-сакратар МЗС Беларусі Дзьмітры Мірончык заявіў:

«Гэта ўнутраны дакумэнт амэрыканскай адміністрацыі. Яго замаўляе Кангрэс ЗША Дзярждэпартамэнту, Дзярждэпартамэнт яго рыхтуе і накіроўвае ў Кангрэс ЗША. І ўсё. У нас няма намеру камэнтаваць унутраныя дакумэнты амэрыканскай адміністрацыі».

У дакладзе Дзярждэпартамэнта таксама адзначаецца, што грамадзяне ў Беларусі па-ранейшаму ня маюць магчымасьці зьмяняць урад шляхам выбараў, а пасьля 1994 году ўсе выбарчыя кампаніі, у тым ліку прэзыдэнцкія выбары 2015 году, не адпавядалі міжнародным стандартам.

Камэнтуючы ацэнкі, дадзеныя ў дакладзе, старшыня Цэнтравыбаркаму Лідзія Ярмошына сказала:

«Я ня думаю, што дадзенае ведамства надзелена правам даваць ацэнкі. Гэта ў прынцыпе рэалізацыя іх уласных паўнамоцтваў. Яны маюць права іх даваць, але гэтыя ацэнкі не абавязковыя ні для кога. Гэта іх уласная пазыцыя. Я думаю, што мы таксама маглі б выказацца адносна захаваньня правоў чалавека ў гэтай краіне, наш урад таксама мог бы ўнесьці нейкія заўвагі. Таму гэта права дадзенай дзяржавы. Але, я думаю, дэманізаваць гэтую ацэнку, адносіцца да яе як да канчатковай і не падлягаючай ніякаму сумневу, зразумела, ня трэба. Нічога новага ў гэтым няма. Мы, афіцыйныя ўлады, натуральна, ня згодныя. Я думаю, што і грамадзяне Рэспублікі Беларусь у сваёй большасьці будуць альбо поўнасьцю ня згодныя, альбо згодныя па нейкіх асобных пазыцыях. Таму гэта зусім не аксіёма, гэта думка асобнай урадавай установы, асобнай дзяржавы».

Паказаць камэнтары

XS
SM
MD
LG