Лінкі ўнівэрсальнага доступу

Зьявілася відэа небясьпечнага пралёту расейскіх Су-24 каля эсьмінца «Дональд Кук»


Эсьмінец ВМС ЗША "Дональд Кук" пры пераходзе праз Басфор
Эсьмінец ВМС ЗША "Дональд Кук" пры пераходзе праз Басфор

Амэрыканцы лічаць, што дзеяньні расейскіх лётчыкаў на Балтыцы небясьпечныя і могуць прывесьці да няшчаснага выпадку.

Узброеныя сілы ЗША ў сераду распаўсюдзілі фатаздымкі і відэа небясьпечнага манэўраваньня расейскага штурмавіка Су-24 паблізу амэрыканскага эсьмінца «Дональд Кук» у Балтыйскім моры.

Прадстаўнік Эўрапейскага камандаваньня ўзброеных сіл ЗША назваў «агрэсіўным» праход самалёта на нізкай вышыні паблізу эсьмінца.

«У нас ёсьць глыбокія перасьцярогі з нагоды небясьпечнага і непрафэсійнага расейскага паветранага манэўраваньня», — заявіў прадстаўнік камандаваньня.

Штурмавікі не былі абсталяваныя ўзбраеньнем, аднак выканалі манэўр, які нагадвае паветраную атаку на судна.

«Гэтыя дзеяньні маюць патэнцыял непатрэбнай эскаляцыі напружанасьці ў адносінах паміж нашымі краінамі і могуць прывесьці да праліку або няшчаснага выпадку, які можа стаць прычынай сур’ёзных траўмаў або сьмерці», — адзначаецца ў заяве.

У паведамленьні гаворыцца, што інцыдэнты з эсьмінцам «Дональд Кук» адбыліся 11 і 12 красавіка ў міжнародных водах.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG