Лінкі ўнівэрсальнага доступу

Літва першай у Эўразьвязе абвясьціла «сьпіс Саўчанкі»: 46 чалавек


Вільня забараніла ўезд на тэрыторыю сваёй краіны асобам, якія зьвязаным з асуджэньнем украінскай лётчыцы Надзеі Саўчанкі. Гэтую інфармацыю пацьвердзіў міністар замежных спраў Літвы Лінас Лінкявічус, паведамляе Delfi.

Акрамя «сьпісу Саўчанкі», неўязнымі абвешчаныя асобы, зьвязаныя з асуджэньнем украінцаў Алега Сянцова і Аляксандра Кольчанкі. «Канкрэтна гаворка ідзе аб расейскіх судзьдзях, пракурорах, якія наўпрост ўдзельнічалі ў справе гэтых людзей. На дадзены момант вызначаныя 46 чалавек, якім забаронены ўезд на тэрыторыю Літвы», — сказаў Лінкявічус, удакладніўшы, што сьпіс дапаўняецца. У яго ўвайшлі людзі, якія ўдзельнічалі ва ўзбуджэньні крымінальных спраў супраць Саўчанкі, рэжысёра Сянцова і праваабаронца Кольчанкі. Мы не прызнаем гэтыя справы, якія з нашага пункту гледжаньня зьяўляюцца фальсыфікаванымі, і гэтыя асобы — судзьдзі, пракуроры, некаторыя іншыя дзеячы з гэтых самазваных рэспублік — Данецкай і Луганскай — яны патрапілі ў гэты сьпіс", — сказаў Лінкявічус.

Літва — першая краіна Эўразьвязу, якая склала такі сьпіс. Па словах міністра, ён спадзяецца, што крок Вільні заахвоціць іншыя краіны ЭЗ.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG