Лінкі ўнівэрсальнага доступу

logo-print

Беларусы ня едуць на адпачынак у Крым


Грамадзяне Беларусі страцілі традыцыйны адпачынак у Крыме, ёмістасьць якога складала больш за 1,2 мільёна беларускіх турыстаў у год. Прычынай таму стаў канфлікт ва Ўкраіне.

Пра гэта сказаў прадстаўнік Расейскага саюзу туріндустрыі ў Беларусі Філіп Гулы.

«Страцілі таму, што па лягістыцы нам было зручней езьдзіць праз Украіну, а з 2013 году гэта стала немагчыма. Зьявілася мяжа, дый з пункту гледжаньня бясьпекі зьявіліся праблемы. Беларусы ў Крым цяпер ня едуць, а імпартазамяшчэньня як такога ў нас няма. Прыбалтыка блізкая, але халодная, альтэрнатывай для беларусаў не зьяўляецца, Баўгарыя і Грэцыя застаюцца больш дарагім прадуктам», — сказаў «РИА Новости» Гулы.

Паводле Гулага, Беларусь — досыць ёмісты рынак для збыту турыстычнага прадукту Расейскай Фэдэрацыі. З 10 мільёнаў насельніцтва краіны прыкладна 2 мільёны — актыўныя турысты зь сярэднім чэкам на падарожжа 550–620 даляраў.

Аднак расейскі турыстычны прадукт у Беларусі невядомы наагул і беларусам не зразумелы.

XS
SM
MD
LG