Лінкі ўнівэрсальнага доступу

Менск і Брусэль пачалі працаваць у новым фармаце


Сёньня ў Брусэлі заканчвае сваю працу каардынацыйная група Беларусь — Эўрапейскі Зьвяз. Пра гэта 7 красавіка паведаміў на брыфінгу прэсавы сакратар зьнешнепалітычнага ведамства Беларусі Дзьмітры Мірончык. Ён падкрэсьліў, што гэта новы фармат структураванага комплексу дыялёгу паміж Беларусьсю і Эўрапейскім Зьвязам.

Цягам двухдзённага паседжаньня бакі абмеркавалі шэраг пытаньняў, зьвязаных з разьвіцьцём адносін Менску і Брусэлю, удзелам Беларусі ў праграме «Усходняга партнэрства» і інш. Менск і Брусэль вырашылі запусьціць новыя фарматы дыялёгу па тэмах гандлю, энэргетыкі, мытных спраў, інавацыяў і стандартызацыі, а таксама правоў чалавека. Гэтыя тэмы будуць распрацоўвацца і дададуцца да ўжо дзеючых дыялёгаў у галінах эканомікі, фінансаў і аховы навакольнага асяродзьдзя.

Беларускую дэлегацыю на гэтых перамовах узначальвала намесьнік міністра замежных спраў Алена Купчына, дэлегацыю Эўрапейскага Зьвязу ачольвала намесьнік генэральнага сакратара Эўрапейскай службы зьнешніх дзеяньняў Хэльга Шміт.

XS
SM
MD
LG