Афіша
Менск — у Літаратурным музэі Максіма Багдановіча пісьменьнік і музыка Юры Несьцярэнка прадстаўляе сваю кнігу «Маё мястэчка ў часе і прасторы». У вечарыне акрамя аўтара возьмуць удзел выдавец і пісьменьнік Зьміцер Колас, паэтка Віка Трэнас, выканаўцы Вольга Акуліч, Зьміцер Бартосік ды іншыя. Вул. Багдановіча, 7а, пачатак у 18.30
У гісторыі
1869 — Дзьмітры Мендзялееў публічна прадставіў сваю пэрыядычную табліцу элемэнтаў.
1944 — пачалося фармаваньне Беларускай Краёвай Абароны.
1990 — у Менску было створанае Згуртаваньне беларусаў сьвету «Бацькаўшчына», якое арганізацыйна аб’ядноўвае ўсе беларускія асяродкі ва ўсім сьвеце.
У гэты дзень нарадзіліся
1483 — Рафаэль, італьянскі мастак і архітэктар.
1896 — Ізі Харык, беларускі габрэйскі паэт.
1905 — Мікола Хведаровіч, беларускі паэт.
1910 — Барыс Кіт, навуковец, адзін з распрацоўшчыкаў ракетнага паліва, дзяяч беларускай эміграцыі.
У гэты дзень памерлі
1656 — Шыман Старавольскі, гісторык і пісьменьнік Вялікага княства Літоўскага.
1948 — Мікалай Шыла, беларускі грамадзка-палітычны дзяяч, журналіст.
1999 — Генадзь Карпенка, беларускі навуковец і палітык, дэпутат Вярхоўнага Савету 12 і 13 скліканьня. У 1996 годзе Карпенка, тагачасны намесьнік старшыні Вярхоўнага Савету, кіраваў працэсам імпічмэнту прэзыдэнта Лукашэнкі. У 1998 годзе стаў на чале Нацыянальнага выканаўчага камітэту, створанага перад заканчэньнем легітымнага тэрміну кіраваньня Лукашэнкі. Памёр у шпіталі пасьля выдаленьня гематомы. Сьмерць палітыка была нечаканай, бо перад гэтым ён ніколі ня скардзіўся на дрэннае здароўе.
Цытата
«Тое, што я ўцёк у Амэрыку — найвялікшае шчасьце, бо захаваў жыцьцё і дасягнуў вяршынь у навуцы. Як напісаў адзін літаратар, у Амэрыцы я трапіў у вока касьмічнага ўрагану. Спаткаў найвялікшых людзей сьвету... Пры гэтым я ўсім гаварыў, што выйшаў з Беларусі, з самай беднай вёскі, і што я гэтым ганаруся».
Барыс Кіт
