Лінкі ўнівэрсальнага доступу

logo-print

Гааскі трыбунал апраўдаў Шэшэля па ўсіх пунктах


Міжнародны трыбунал па былой Югаславіі прызнаў лідэра Сэрбскай радыкальнай партыі Ваіслава Шэшэля невінаватым па ўсіх пунктах абвінавачваньня, паведамляе ВВС.

«Шэшэль цяпер зьяўляецца свабодным чалавекам», — пастанавіў старшыня суду Жан-Клёд Антанэці.

Ваіслаў Шэшэль быў абвінавачаны ў злачынствах супраць харватаў і мусульман у пачатку 90-х у 2003 годзе, пракуроры патрабавалі для яго 28 гадоў турмы. Сам ён заўсёды адмаўляў ўдзел у зьдзяйсьненьні ваенных злачынстваў у Харватыі і Босьніі са жніўня 1991 году па верасень 1993 году.

Летась міжнародны трыбунал адклікаў сваё рашэньне аб яго вызваленьні.

​Шэшэль знаходзіўся пад вартай зь 2003 году, калі ён сам здаўся Гааскаму трыбуналу. Працэс па ягонай справе пачаўся ў 2007 годзе. Ён быў часова вызвалены трыбуналам, бо меў патрэбу ў лячэньні ад анкалягічнай хваробы.

XS
SM
MD
LG