Лінкі ўнівэрсальнага доступу

У Кіеве падарвалі машыну дэпутата Парасюка


Уладзімер Парасюк на Майдане Незалежнасьці ў ліпені 2015 году

Уладзімер Парасюк на Майдане Незалежнасьці ў ліпені 2015 году

Дэпутат «Бацькаўшчыны» Ігар Луцэнка паведаміў, што ў аўтамабіль пазафракцыйныга дэпутата Ўладзімера Парасюка кінулі гранату.

Пра гэта ён напісаў на сваёй Facebook-старонцы. «У машыну Парасюка нехта кінуў гранату. Еду цяпер туды», — напісаў Луцэнка. Іншых падрабязнасьцяў пакуль няма.

Грамадзкае тэлебачаньне паведамляе, што ад выбуху пацярпелі 4 машыны, якія знаходзіліся побач. Здарэньне адбылося на бульвары Лесі Ўкраінкі. Сам Уладзімер Парасюк не паранены.

Дэпутат Уладзімер Парасюк — актывіст Эўрамайдану, які адыграў вялікую ролю ў адхіленьні ад улады прэзыдэнта Ўкраіны Віктара Януковіча, былы камандзір роты батальёну «Днепр».

Летась Генпракуратура распачала супраць Уладзімера Парасюка крымінальную справу за гвалт у дачыненьні да супрацоўніка праваахоўных ворганаў. Падчас спрэчкі на пасяджэньні антыкарупцыйнага камітэту Парасюк ударыў намесьніка начальніка галоўнага ўпраўленьня па барацьбе з карупцыяй СБУ Васіля Пісьнія нагой у сьпіну. Як потым патлумачыў Парасюк, у яго «ўзялі верх эмоцыі».

XS
SM
MD
LG