Прэзыдэнт Украіны Пётр Парашэнка падпісаў закон, які спрашчае прадстаўленьне грамадзянства замежнікам, што служаць ва Ўкраіне ў войску.
28 студзеня Вярхоўная Рада прыняла закон аб прыняцьці ў грамадзянства Ўкраіны іншаземцаў і асоб без грамадзянства, якія праходзяць ваенную службу ва Ўзброеных сілах Украіны. У прыватнасьці, для іх быў скарочаны тэрмін бесперапыннага пражываньня на законных падставах на тэрыторыі Ўкраіны з 5 да 3 гадоў з моманту ўступленьня ў сілу кантракта аб праходжаньні ваеннай службы ва ўзброеных сілах.
Летась быў прыняты закон, які дазволіў замежнікам і асобам без грамадзянства служыць па кантракце ва Ўзброеных сілах Украіны, а таксама ў іншых ваенных фармаваньнях.
Для іншаземцаў і асоб без грамадзянства, якія праходзяць ваенную службу ва Ўзброеных сілах Украіны, скарочаны тэрмін бесперапыннага пражываньня на законных падставах на тэрыторыі Ўкраіны з 5 да 3 гадоў.
Самае папулярнае
1