Лінкі ўнівэрсальнага доступу

Ужо сёньня, 21 сакавіка: Сусьветны дзень паэзіі, дзень нараджэньня Францішка Багушэвіча


Францішак Багушэвіч

Францішак Багушэвіч

ПАДЗЕІ ДНЯ

Сусьветны дзень паэзіі.

Менск. Актывісты заклікаюць у дзень, калі пачнецца абвяшчэньне прысуду Надзеі Саўчанцы, прыйсьці да расейскай амбасады (вул. Нававіленская, 1А). Пачатак а 15:00

Менск. «Беларуская асацыяцыя дапамогі дзецям-інвалідам і маладым інвалідам» і «Студыя Мультыкс» пры падтрымцы Агенцтва ЗША па міжнародным разьвіцьці арганізуюць міжнародны фэстываль творчасьці дзяцей і моладзі «Фарбы жыцьця». Месца правядзеньня — Тэатар юнага гледача (вул. Энгельса, 26). Пачатак у 15:00

Менск. Стартуе адукацыйны праект «10 майстэрняў». Праект складаецца іх 10 аўтарскіх праграм беларускіх мастакоў. Месца правядзеньня — вул. Някрасава, 11/34. Пачатак а 15:00

У гісторыі:

1562 — Гомель атрымаў герб.

1871 ― Бісмарк становіцца канцлерам Германскай імпэрыі

1927 — польскі міністар унутраных справаў Славой-Складкоўскі забараніў Беларускую сялянска-работніцкую грамаду ў Заходняй Беларусі. Арганізацыя налічвала 100 тысяч чальцоў.

1927 — у Менску выйшаў першы нумар часопісу «Узвышша».

1980 — прэзыдэнт ЗША Джымі Картэр абвясьціў байкот Алімпійскіх гульняў у Маскве.

У памяці:

1608 ― памёр Канстанцін Васіль Астроскі, палітычны, вайсковы і культурны дзяяч Вялікага Княства Літоўскага, праваслаўны магнат, які задушыў паўстаньне Налівайкі

1685 — нарадзіўся Яган Сэбастыян Бах, нямецкі кампазытар і арганіст.

1840 — нарадзіўся Францішак Багушэвіч, беларускі паэт.

1935 ― Філарэт, былы мітрапаліт Менскі і Слуцкі, Патрыяршы экзарх усяе Беларусі

1987 — памёр паэт-песеньнік Адам Русак («Бывайце здаровы»).

2003 — памёр Георгій Таразевіч, савецкі і беларускі палітычны дзяяч. Ён быў старшынём Прэзыдыюму Вярхоўнага Савету БССР. У верасьні 1991 году, будучы народным дэпутатам СССР, выступіў на сэсіі Вярхоўнага Савету Беларусі і падтрымаў ўвядзеньне бел-чырвона-белага сьцяга і герба «Пагоня» у якасьці дзяржаўных сымбаляў.

Цытата:

Няма народаў малых —

Бываюць малыя паэты.

Паэт — неспакою слых:

Ён чуе травінкі ўскалых

I грукат сэрца плянэты.

Будзь сынам у шчасьці й журбе,

Хай шчодрыцца сьціплая праца,

Хай зайздрасьць душу не шкрабе, —

Народу сплаці, што табе

Дазволіў паэтам назвацца!

Рыгор Барадулін

XS
SM
MD
LG