Лінкі ўнівэрсальнага доступу

Беларусы чакаюць выраку Саўчанцы пад расейскай амбасадай. УЖЫВУЮ

Расейскі пракурор патрабуе для ўкраінскай лётчыцы 23 гады зьняволеньня. Прысуд могуць зачытваць да аўторка.

11:25 21.3.2016

Прысуд украінскай лётчыцы Надзеі Саўчанцы, якую ў Расеі трымаюць за кратамі ад ліпеня 2014 году і абвінавачваюць у спрыяньні забойству двух расейскіх журналістаў, мае быць абвешчаны 21-22 сакавіка.

У расейскім Данецку (мястэчка ў Растоўскай вобласьці) будынак суду і цэлы праспэкт вакол яго ачэплены аўтаматчыкамі. Пракурор патрабуе для Саўчанкі 23 гады калёніі, адвакаты, многія палітыкі і грамадзкія дзеячы патрабуюць яе вызваліць. У ліку іх Пятро Парашэнка і Барак Абама. Лётчыца пратэставала супраць дзеяньняў суду галадоўкамі, пасьля тыднёвай сухой галадоўкі яна знаходзіцца ў крытычным стане.

Беларускія актывісты зьбіраюцца чакаць прысуду Саўчанцы пад расейскай амбасадай, дзе ўжо праводзілі акцыі ў падтрымку лётчыцы 7 сакавіка і 9 сакавіка. Акцыі абышліся без затрыманьняў, але не без правакацыяў і пратаколаў за несанкцыянаваны пікет.

12:04 21.3.2016

12:57 21.3.2016

Пікет пакуль безь перашкодаў

Першай на пікет у падтрымку ўкраінкай лётчыцы Надзеі Саўчанкі прыйшла незалежная рэжысэрка Вольга Мікалайчык. У пікеце цяпер удзельнічаюць 4 чалавекі. Актывісты кажуць, што мае быць больш людзей, і не выключаюць, што кагосьці спынілі на падыходзе. Міліцыянты здымаюць акцыю, але не перашкаджаюць.

Пікетоўцы зьбіраюцца стаяць да 18-ай вечара.

14:23 21.3.2016

Беларусы чакаюць выраку Саўчанцы пад расейскай амбасадай. ФОТАГАЛЕРЭЯ

XS
SM
MD
LG