Лінкі ўнівэрсальнага доступу

Сяргей Грахоўскі быў арыштаваны НКВД у 30-х. На першых допытах сьледчы абвінавачваў яго ў сувязях з «вредителями» з управы водаканалу. Грахоўскі адказваў, што гэтых людзей наагул ня ведае. У адказ — «органам усё вядома», і ў твар кулаком.

Праз тыдзень — сьледчы ледзь не выбачаецца: «Насамрэч вы ў нас праходзіце па справе контррэвалюцыйнай арганізацыі сярод беларускіх пісьменьнікаў».

Але зьбянтэжанасьць працягвалася нядоўга, праз некалькі хвілінаў — ізноў мат, «органам усё вядома», і ў твар кулаком.

Можа накладка, можа — тонкая тактыка допыту. Як казаў чэкіст у «Выпадку на станцыі Крэчэтаўка» Салжаніцына — «у нас брака не бывает».

Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org.

  • 16x9 Image

    Юры Дракахруст

    Журналіст. Нарадзіўся ў 1960 г. Зь 2000 г. — супрацоўнік Беларускай рэдакцыі Радыё Свабода ў Празе. Ляўрэат прэміі Беларускай асацыяцыі журналістаў (1996).
     

Паказаць камэнтары

XS
SM
MD
LG