Перастрэлка завязалася ў часе рэйду ў раёне Фора, дзе паліцыя шукае падазраваных у арганізацыі тэрактаў у Парыжы ў лістападзе, калі загінулі 130 чалавек.
Паліцэйскія трапілі пад агонь падчас пошукаў Салаха Абдэслама, галоўнага падазраванага ў гэтай справе. Зь сярэдзіны лістападу 11 чалавек ужо былі арыштаваныя і абвінавачаныя ў забойствах. Абдэслам і яго памагаты Мухамэд Абрыні, жыхары Брусэлю, усё яшчэ застаюцца на свабодзе.
Мясцовы тэлеканал BTP паведаміў, што адзін з тых, хто сёньня страляў у паліцэйскіх, затрыманы.
СМІ мяркуюць, што прэм’ер-міністар Бэльгіі Шарль Мішэль можа склікаць экстранае пасяджэньне Рады бясьпекі.
