Паміраючы ад раку, Анатоль Швяцоў прасіў разьвеяць свой прах ў месцы, якое мае экалягічную каштоўнасьць, а ягонаму захаваньню пагражае дзейнасьць чалавека. «Хай мой прах захавае такое месца», — казаў грамадзкі актывіст.
Для выкананьня апошняй волі нябожчыка выбралі канал Сьляпянскай воднай сыстэмы, які, па словах калегаў Анатоля Швяцова, цалкам адпавядае ягонаму запавету.
Сьляпянская водная сыстэма — гэта ўнікальная зялёная артэрыя сталіцы, якая дазваляе абнаўляць паветра мегаполіса і паляпшае якасьць гарадзкога асяродку.
Зараз сыстэма актыўна забудоўваецца камэрцыйнай нерухомасьцю, перакрываючы паветраныя калідоры.