Лінкі ўнівэрсальнага доступу

Лукашэнка пра пэнсійны ўзрост: «У 60 гадоў мужык — гэта конь»


Ліпень 2015 году. Аляксандар Лукашэнка вучыць касіць актора Жэрара Дэпардзьё. Архіўнае фота.

Ліпень 2015 году. Аляксандар Лукашэнка вучыць касіць актора Жэрара Дэпардзьё. Архіўнае фота.

Аляксандр Лукашэнка падтрымлівае ідэю павышэньня пэнсійнага ўзросту для ўсіх. Пра гэта піша БелТА.

«Але трэба ўлічваць усё: розьніцу працягласьці жыцьця мужчын і жанчын, спэцыфіку гораду і вёскі, умовы працы ў некаторых сфэрах і іншыя фактары», — сказаў Лукашэнка на нарадзе, прысьвечанай абмеркаваньню пытаньняў разьвіцьця пэнсійнай сыстэмы. Ён адзначыў, што сярэдняя працягласьць жыцьця ў краіне павялічылася ў параўнаньні з 90-мі гадамі мінулага стагодзьдзя.

«Таму 55–60 гадоў — гэта нармальны ўзрост. І скажы жанчыне, што яна старая ў 55 гадоў або пэнсіянэрка! Слухайце, пакрыўдзіцца! А калі мы прапануем: калі ты не старая, не пэнсіянэрка, давай папрацуй — іншае нейкае меркаваньне. Тое ж самае і пра мужыкоў можна сказаць. Яны дэманстратыўна ня крыўдзяцца, але ў душы. У 60 гадоў мужык — гэта конь, на якім можна яшчэ араць і плугам не ў адзін корпус, а ў тры корпусы зачапіць, і пацягне», — сказаў ён.

«Не хачу ўжо тут казаць пра нашых славутых прадстаўнікоў сілавых структур, якія сёньня, у прынцыпе, у 45 гадоў могуць сысьці на пэнсію. 90% зь лішнім могуць сысьці ў 45 гадоў на пэнсію. І што ж гэта за пэнсіянэр у 45 гадоў?! Думаю, будзе справядліва, калі пытаньне павышэньня пэнсійнага ўзросту закране ўсіх», — лічыць ён.

Лукашэнка адзначыў, што знаходзіцца паміж двума меркаваньнямі: прапановамі ўраду па павышэньні пэнсійнага ўзросту, заснаванымі на эканоміцы, і меркаваньнем народу — з другога боку.

Аляксандар Сасноў

Аляксандар Сасноў

Былы міністар працы Аляксандар Сасноў перакананы — замест комплекснага рэфармаваньня пэнсійнай сыстэмы ўлады хочуць падвысіць пэнсійны ўзрост, каб хоць на кароткі тэрмін уратаваць бюджэт краіны:

«Трэба рэфармаваць пэнсійную сыстэму. І гэта трэба было рабіць дваццаць з гакам гадоў таму. Улады нічога ў гэтым кірунку не зрабілі, але ўчапіліся толькі за пэнсійны ўзрост. Падвышэньне пэнсійнага ўзросту — гэта не рэфармаваньне, а адцягваньне праблемы на год-два. Гэта ня мае нічога агульнага з рэфармаваньнем, гэта захад, каб на кароткі тэрмін выратаваць бюджэт».

Паказаць камэнтары

XS
SM
MD
LG