Лінкі ўнівэрсальнага доступу

Прэзыдэнт Украіны Пятро Парашэнка гатовы абмяняць Надзею Саўчанку


Надзея Саўчанка
Надзея Саўчанка

Прэзыдэнт Украіны Пятро Парашэнка выказаў гатоўнасьць абмяняць Надзею Саўчанку, каб вярнуць яе дадому. Як перадае УНІАН, пра гэта ён паведаміў падчас сумеснай прэс-канфэрэнцыі з прэзыдэнтам Турэччыны Рэджэпам Эрдаганам 9 сакавіка ў Анкары.

«Надзея Саўчанка, украінскі пілёт, украінскі афіцэр, рабіла тое, што павінен рабіць любы грамадзянін Украіны ў форме — абараняла родную зямлю, была незаконна выкрадзеная з тэрыторыі Ўкраіны ў Данбасе. Яе гвалтоўна вывезьлі ў РФ і цяпер спрабуюць прыпісаць злачынствы, да якіх яна ня мае ніякага дачыненьня», — заявіў Парашэнка.

МЗС Украіны назваў «цынічнай расправай» над Саўчанкай рашэньне зьнешнепалітычнага ведамства Расеі не дапускаць да яе лекараў і родных — да абвяшчэньня прысуду.

Раней у сераду кіраўнік МЗС Расеі Сяргей Лаўроў заявіў, што задзірлівыя паводзіны Надзеі Саўчанкі ў судзе робяць немагчымым допуск да яе ўкраінскіх лекараў. Акрамя таго, ён заявіў, што стан яе здароўя «не выклікае асьцярогаў».

Абарона Саўчанкі, наадварот, вельмі ўстрывожаная яе здароўем — бо яна ўжо 7 дзень трымае сухую галадоўку. Яе адвакат Мікалай Полазаў заявіў: да вынясеньня прысуду Саўчанка «альбо зазнае гвалтоўнае кармленьне, альбо памрэ».

9 сакавіка Надзея Саўчанка, выступаючы з апошнім словам у Данецкім гарадзкім судзе (Растоўская вобласьць), заявіла, што спыніць галадоўку, калі абвяшчэньне прысуду будзе прызначанае на працягу тыдня, але суд пастанавіў зрабіць гэта 21-22 сакавіка. Абвінавачваньне просіць для ўкраінскай ваеннаслужачай, якой інкрымінуюць саўдзел у забойстве, 23 гады пазбаўленьня волі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG