У гандлёвым цэнтры «ARENAcity» (Менск, пр. Пераможцаў, 84) а 9-й гадзіне пачнецца Фэстываль-кірмаш дызайнэраў «Беларускі Стыль» і Фэстываль handmade «Таямніцы майстэрства».
Праект «Джазавы Мост» аб’яднае лідэраў джазу Беларусі гурт «Apple Tea» зь ляўрэатам прэміі London Jazz Awards найлепшаму вакалісту 2010 году Кліўлэндам Уоткісам. Канцэрт адбудзецца ў менскім Доме афіцэраў (вул. Чырвонаармейская, 3). Пачатак а 19-й гадзіне.
У менскім бары «Beer&Wine» (вул. Кульман, 9) адбудзецца прэм’ера праграмы Паўла і Алены Аракелянаў «Песьні пра каханьне». Пачатак а 19-й гадзіне.
У гісторыі:
1972 — у Беларусі заснавана выдавецтва «Мастацкая літаратура».
1990 — у Менску створана Згуртаваньне беларусаў сьвету «Бацькаўшчына».
У памяці:
1475 — нарадзіўся Мікелянджэлё Буанароці, скульптар, мастак і архітэктар часу Адраджэння
1896 — нарадзіўся Ізі Харык, беларускі габрэйскі паэт.
1926 — нарадзіўся Анджэй Вайда, польскі рэжысэр.
1928 — нарадзіўся Габрыэль Гарсія Маркес, калюмбійскі пісьменьнік, ляўрэат Нобэлеўскай прэміі.
1937 — нарадзілася Валянціна Церашкова, першая жанчына-касманаўт. Бацька быў родам зь вёскі Выйлава (Бялыніцкі раён, Магілёўская вобласьць), маці — зь вёскі Ерамееўшчына (Дубровенскі раён, Віцебская вобласьць). У дзяцінстве размаўляла па-беларуску.
1999 — памёр Міхаіл Петрыкевіч, краязнаўца, музэязнаўца, пэдагог.
Цытата:
«Ніводны лек ня вылекуе таго, чаго ня можа вылекаваць шчасьце».
Габрыель Гарсія Маркес