Лінкі ўнівэрсальнага доступу

logo-print

Лідэры апазыцыі ў Сырыі просяць абароны ў Расеі ад баевікоў «Ісламскай дзяржавы»


Расейскія самалёты над Сырыяй

Расейскія самалёты над Сырыяй

Паводле словаў расейскага генэрала, ваеннае ведамства РФ гатова аказаць такую дапамогу.

Лідэры сырыйскай апазыцыі, якія падпісалі пагадненьне аб спыненьні вагню, просяць Міністэрства абароны Расеі абараніць іх ад баевікоў забароненай у РФ экстрэмісцкай групоўкі «Ісламская дзяржава». Пра гэта ў суботу заявіў начальнік расейскага цэнтру па прымірэньні варагуючых бакоў у Сырыі генэрал-лейтэнант Сяргей Кураленка. Паводле яго слоў, расейскае ваеннае ведамства гатова аказаць такую дапамогу, паведамляе ТАСС.

Генэрал адзначыў, што ў першыя дні працы Цэнтру ў якасьці ключавой умовы перамір’я апазыцыйныя лідэры прасілі ў Расеі гарантый бясьпекі і абароны ад дзяржаўных сырыйскіх структур і ведамстваў, але цяпер сытуацыя кардынальна зьмянілася. Генэрал удакладніў, што спэцыялісты расейскага цэнтру ў Латакіі правялі 23 сустрэчы з прадстаўнікамі розных сырыйскіх апазыцыйных фармаваньняў і палітычных сіл.

Паводле спэцпасланьніка генэральнага сакратара ААН Стафана дэ Містуры, прызначаныя на панядзелак перамовы паміж урадам Сырыі і апазыцыяй у Жэнэве перанесены на чацьвер, 10 сакавіка. Пра гэта ён паведаміў арабскай газэце «Аль-Хаят».

Як паведаміў у суботу Сырыйскі цэнтар па назіраньні за правамі чалавека, на працягу першага тыдня пасьля ўступленьня ў сілу перамір’я ў Сырыі 27 лютага ў раёнах, дзе яно дзейнічае, загінулі 135 чалавек. На тэрыторыях, дзе ня дзейнічае рэжым спыненьня вагню, загінулі 552 чалавекі.

Паказаць камэнтары

XS
SM
MD
LG