Лінкі ўнівэрсальнага доступу

Кіраўніцтва БРСМ паставіла сабе за мэту фармаваньне прафэсійнай эліты Беларусі


Акцыя БРСМ Люблю Беларусь. 13.02.2016

Акцыя БРСМ Люблю Беларусь. 13.02.2016

Дзейнасьць Беларускага рэспубліканскага саюзу моладзі накіравана на фармаваньне прафэсійнай эліты. Пра гэта заявіў першы сакратар Цэнтральнага камітэту БРСМ Андрэй Белякоў на форуме галіновых камітэтаў і першасных арганізацый БРСМ міністэрстваў і ведамстваў Беларусі.

«Лепшая моладзь павінна працаваць у міністэрствах і ведамствах. Наша задача з усімі зацікаўленымі — фармаваць эліту, якая заўтра будзе кіраваць краінай, прымаць узважаныя, дакладныя, прафэсійныя рашэньні», — сказаў Андрэй Белякоў.

На думку чыноўніка, сёньня ў Беларусі недастаткова маладых людзей, якія могуць прыйсьці на зьмену цяперашнім кіраўнікам. Таму БРСМ мае намер больш актыўна працягваць працу па падрыхтоўцы прафэсійных кадраў.

Паводле Белякова, усе акцыі, праекты і праграмы пад эгідай БРСМ так ці інакш накіраваныя на разьвіцьцё прафэсійных якасьцяў маладых людзей.

Пра пляцоўкі для прафэсійнага выхаваньня першы сакратар БРСМ сказаў так: «Мы робім акцэнт на такіх напрамках, як студэнцкія атрады, валянцёрскі рух, рух моладзевых атрадаў аховы правапарадку. Дзякуючы ўдзелу ў іх хлопцы могуць сфармавацца як патрыёты і прафэсіяналы, як працавітыя, прыстойныя і адказныя асобы».

Пра гэта паведамляе БЕЛТА.

Паказаць камэнтары

XS
SM
MD
LG