Лінкі ўнівэрсальнага доступу

logo-print

Ужо сёньня, 20 лютага: Лядовы заплыў, «Пах мужчыны» і беларуская мова для ўсіх


Помнік літары Ў у Полацку

Помнік літары Ў у Полацку

Падзеі дня ў Беларусі, сьвеце, гісторыі

Афіша

У многіх месцах пройдуць падзеі да Міжнароднага дня роднай мовы. Напрыклад, у Берасьці — адкрыты ўрок ад «Мова нанова» для дзетак (New York Coffee, б-р Касманаўтаў, 40, пачатак а12-й). Там жа пакажуць лялечны спэктакль зь лямцавай батлейкі, пройдзе выстава-продаж кніг на роднай мове. Увечары гурт «Стары Ольса» запрашае на сярэднявечную дыскатэку. (ТТ Фантазія, вул. Сікорскага, 76, пачатак а 19:30).

У Бабруйску — акцыя «Беларусь, я люблю цябе» (плошча Леніна, пачатак аб 11-й).

На Камсамольскім возеры ў сталіцы — першы чэмпіянат Беларусі і Менску па зімовым (лядовым) плаваньні. Заплывы мужчын і жанчын на 25, 50, 100, 200, 300 і 450 м брасам і вольным стылем, эстафэта 4×25м, а таксама заплывы для ўсіх жадаючых без уліку часу. Пачатак а 12-й, каля станцыі ОСВОД, вул. Прагрэсіўная, 29.

Парфумэрная майстэрня Улада Рэкунова запрашае на прэзэнтацыю «Пах мужчыны». Абяцаюць прадставіць і духі, інсьпіраваныя асобай У. Пуціна. (Дом карцін, Менск, пр. Пераможцаў 89/3. Пачатак а 12-й).

У менскім мікрараёне Ўручча пройдзе кірмаш «Рыба Беларусі». Сажалкавую рыбу можна будзе набыць таньней, чым у гандлёвай сетцы. (Русіянава, 1 , з 9:00 да 16:00).

У 20:20 у тэлеэфір выйдзе Зона Свабоды — штотыднёвая аналітычная перадача на тэлеканале Белсат. Сёньня ў праграме: Ці зьняў Захад санкцыі, як шапку перад «бацькам»? Умацуе або зьмякчыць рэжым Лукашэнкі крок Эўразьвязу? Якім будзе стан правоў чалавека ў Беларусі з 1 сакавіка? Гэтыя тэмы – у перадачы, якую вядзе Алена Ціхановіч. У перадачы ўдзельнічаюць Францішак Вячорка, Юры Дракахруст і Віталь Цыганкоў.

Таксама ў гэты дзень

1918 — у Менску створаны Народны сакратарыят, першы ўрад Беларускай Народнай Рэспублікі.

1925 — БДУ закончыў першы выпуск спэцыялістаў — 55 эканамістаў і юрыстаў.

1947 — нарадзіўся Валеры Мазынскi, беларускі тэатральны рэжысэр і грамадзкі дзяяч.

1962 — нарадзіўся Аляксей Шадзько, беларускі музыка, актор тэатру і кіно.

1963 — памёр Кастусь Галкоўскі, беларускі кампазытар.

1988 — памёр Павал Каруза, беларускі фальклярыст, этнамузыколяг, кампазытар, грамадзка-палітычны дзяяч.

1963 — памёр Канстанцiн Палiкарповiч, беларускі археоляг.

2012 — памёр Міхаіл Цікоцкі, беларускі мовазнавец і журналіст.

2014 — Вярхоўная Рады Ўкраіны ўстанавіла гэтую дату пачаткам расейскай акупацыі Крыму.

Паказаць камэнтары

XS
SM
MD
LG