Дзяржаўны памежны камітэт Рэспублікі Беларусь папярэдзіў, што з 18 лютага Ўкраіна спыніла пропуск на сваю тэрыторыю расейскіх грузавікоў.
Адпаведная інфармацыя разьмешчана на сайце беларускага памежнага ведамства.
Беларускі бок паведамляе, што ад украінскага боку атрымана інфармацыя пра тое, што з 00:00 гадзін 18 лютага 2016 году рашэньнем Кабінэта міністраў Украіны велікагрузныя транспартныя сродкі з расейскімі рэгістрацыйнымі нумарамі ня будуць прапускацца на ўкраінскую тэрыторыю.
«Прапануем расейскім перавозчыкам улічваць дадзеную інфармацыю пры плянаваньні маршрутаў», — заявілі ў Дзяржаўным памежным камітэце РБ.