Лінкі ўнівэрсальнага доступу

Патрыярх Маскоўскі і ўсяе Русі Кірыл у сераду вылецеў з чылійскага гораду Пунта-Арэнас ў Антарктыду, дзе ён адслужыць літургію і сустрэнецца з палярнікамі.

Як паведаміў у сераду яго прэс-сакратар Аляксандар Волкаў, патрыярх ўпершыню адслужыць літургію ў адзіным і пастаянна дзеючым храме ў Антарктыдзе — праваслаўным храме Сьвятой Тройцы на расейскай станцыі Бэленсгаўзэн на востраве Ватэрлоо.

Паводле Волкава, гэта гістарычная падзея ў жыцьці расейскага праваслаўя, якая сьведчыць аб тым, што Расейская праваслаўная царква нясе сваё служэньне на ўсіх кантынэнтах.

Разам з Кірылам у Антарктыду адправіліся члены дэлегацыі РПЦ, якія суправаджаюць патрыярха у ходзе яго візыту ў Лацінскую Амэрыку.

На мінулым тыдні на Кубе адбылася першая ў гісторыі сустрэча патрыярха маскоўскага і ўсяе Русі Кірыла з папам рымскім Францішкам. Па выніках перамоў была падпісана сумесная дэклярацыя, якая сярод іншага заклікае сусьветную супольнасьць да хуткіх дзеяньняў, якія дапамогуць абараніць хрысьціян.

Ваша меркаваньне

Паказаць камэнтары

XS
SM
MD
LG