Лінкі ўнівэрсальнага доступу

Лукашэнка загадаў задзейнічаць войскі тэрытарыяльнай абароны


Аляксандар Лукашэнка загадаў правесьці праверку гатоўнасьці войскаў тэрытарыяльнай абароны Беларусі.

Пра гэта піша БЕЛТА.

«Дзяржсакратарыяту даручаю, каб у нейкі прамежак часу (трэба выбраць гэты час) мы маглі па маёй камандзе задзейнічаць войскі тэрытарыяльнай абароны ў раёне, горадзе і на іншай тэрыторыі ў маштабах вобласьці. Паглядзім, як дзейнічаюць войскі тэрытарыяльнай абароны», — заявіў Лукашэнка ўдзельнікам збору па тэрытарыяльнай абароне.

Лукашэнка адзначыў, што ў Беларусі ёсьць пляны прымяненьня войскаў тэрытарыяльнай абароны, вызначаныя аб’екты, якія яны павінны ахоўваць.

«Пляны ёсьць, аб’екты ёсьць, паперы ёсьць, людзі, камандзіры і іншае. А ці гатовыя мы дзейнічаць у ваенных умовах і задзейнічаць усю тэрытарыяльную абарону?» — запытаў ён.

Паказаць камэнтары

XS
SM
MD
LG