Лінкі ўнівэрсальнага доступу

Прадпрымальнікі падтрымаюць акцыю да Дня волі 25 сакавіка


Дзень Волі-2015 у Менску, ілюстрацыйнае фота

Дзень Волі-2015 у Менску, ілюстрацыйнае фота

Індывідуальныя прадпрымальнікі Сьветлагорску падтрымаюць палітычную вулічную акцыю, прымеркаваную да Дня Волі 25 сакавіка. Пра гэта Свабодзе паведаміў салігорскі прадпрымальнік Анатоль Зьмітровіч.

«Індывідуальныя прадпрымальнікі Сьветлагорску, якія пабывалі на Кастрычніцкай плошчы ў Менску, прыйшлі да мяне і сказалі: мы знайшлі новых лідэраў і абаронцаў, якія сапраўды гатовыя дапамагаць адстойваць нашы правы. Маюцца на ўвазе тыя актывісты, якія ўдзельнічалі і бралі слова на мітынгу. І што больш яны ня вераць афіцыйным арганізацыям — маецца на ўвазе прадпрымальніцкая структура, якая ўдзельнічае ў перамоўным працэсе з уладамі ў рамках працоўнай групы пры Міністэрстве эканомікі. Гэта значыць, што ў людзей зьмянілася парадыгма іх далейшых дзеяньняў. Гэтыя людзі сказалі, што будуць удзельнічаць у мітынгу 22 лютага на Кастрычніцкай плошчы, і заявілі: мы да 25 сакавіка цалкам вольныя. Гэта азначае, што на працу яны не зьбіраюцца выходзіць, а 25 сакавіка падтрымаюць палітычную вулічную акцыю на Дзень Волі.

Студзень-люты — гэта было змаганьне прадпрымальнікаў унутры сваёй рэзэрвацыі, а зараз з гэтай рэзэрвацыі яны выходзяць. Да заяваў кіраўніка краіны пра „мядовыя гады“, пра „бандытаў“ — гэта быў пасіўны пратэст: нявыхад на працу, перамовы з чыноўнікамі. А пасьля — распачаліся актыўныя дзеяньні. Хваля мітынгаў і сходаў пракацілася па ўсёй краіне, у тым ліку забароненых. Тое, што ў Менску сабралася тысяча чалавек, то гэта ўжо шмат, калі ведаць, які прэсінг людзі зазналі на месцах. І выйшаўшы на плошчу, людзі зрабілі першы крок, каб выйсьці з-пад прыгону і запалохваньня. Менавіта гэтая эканамічная сытуацыя палітызавала людзей. Яны разумеюць, што ўнутры рэзэрвацыі яны ня вырашаць свае праблемы. І гэта толькі пачатак працэсу».

XS
SM
MD
LG