«Што яны прынясуць акрамя таго, што ў нас ня будзе ніякіх рэформаў, у нас дакладна наступіць эканамічны каляпс, і акрамя таго, што гэта ня зьменіць сыстэму дзяржаўнага кіраваньня? Цяпер для краіны важная стабільнасьць — палітычная і эканамічная. А час выбараў яшчэ надыдзе», — лічыць Яцанюк.
Ён таксама адзначыў, што не баіцца нізкіх рэйтынгаў, таму што выбары ўжо некалькі разоў даказалі, што шанцы прайсьці ў Вярхоўную Раду яго палітычная сіла мае.
4 лютага на пасяджэньні Кабінэта міністраў прэм’ер Арсені Яцанюк заявіў, што ўрад будзе працаваць адзінай камандай па падрыхтоўцы пляну дзеяньняў на год.
3 лютага Абрамавічус падаў у адстаўку з пасады міністра эканомікі, назваўшы ключавой прычынай звальненьня канфлікт зь першым намесьнікам кіраўніка фракцыі «Блёк Пятра Парашэнкі» Ігарам Кананенкам, які, па словах Абрамавічуса, спрабуе расставіць сваіх людзей у міністэрстве і на дзяржаўных прадпрыемствах, каб кантраляваць грашовыя плыні. Кананенка назваў гэтыя абвінавачваньні спробай перакласьці адказнасьць за няўдачы ў працы міністэрства.
Нацыянальнае антыкарупцыйнае бюро Ўкраіны адкрыла крымінальную вытворчасьць у сувязі з заявамі Абрамавічуса.