Лінкі ўнівэрсальнага доступу

Ужо сёньня, 12 лютага: Прэзентацыя «Выбраных твораў» Міхася Стральцова


Міхась Стральцоў

Міхась Стральцоў

Падзеі гэтага дня ў Беларусі, сьвеце, гісторыі.

Працягваецца Менская кніжная выстава з удзелам міжнародных гасьцей, сваю праграму прапануюць пасольствы Вялікабрытаніі, Нямеччыны, Францыі (пр. Пераможцаў, 14).

Сьвятары і навукоўцы зьбяруцца ў Менску на дэбаты «Навука і рэлігія ў 21-м стагодзьдзі». Будуць абмяркоўвацца сучасныя факты «за» і «супраць» існаваньня біблейскага Бога або падыходы царквы і навукі да генэтычнага кланаваньня. (Пачатак а 19-й, кавярня «Хто такі Джон Голт?», вул. Шорная, 20, уваход платны).

У галерэі TUT. by прэзентацыя кнігі «Выбраных твораў» Міхася Стральцова, укладальнік Міхась Скобла. (пр-т Дзяржынскага, 57, ст. м. «Міхалова»), пачатак у 17:30).

У менскім гандлёвым цэнтры «Аутлета» адкрыецца сэндвіч-бар украінскай сеткі Fresh line (пр. Жукава, 44, у 15:00).

ГЭТЫ ДЗЕНЬ У ГІСТОРЫІ

1839 — адбыўся Полацкі царкоўны збор, які скасаваў Берасьцейскую царкоўную унію 1596 году.

1910 — у Вільні прайшла першая пастаноўка тэатральнай трупы Ігната Буйніцкага, пачынальніка беларускага прафэсійнага тэатру.

1974 — адбыўся арышт Аляксандра Салжаніцына, які быў абвінавачаны ў здрадзе Радзіме і пазбаўлены савецкага грамадзянства. 13 лютага ён быў высланы з СССР (дастаўлены ў ФРГ самалётам).

1992 — Беларусь усталявала дыпляматычныя адносіны з Вугоршчынай.

2004 — у Брусэлі пачало працу прадстаўніцтва Эўрапейскай кааліцыі «Свабодная Беларусь», дзе на грамадзкіх пачатках занятыя беларусы, што жывуць у Бэльгіі або атрымалі там палітычны прытулак.

2009 — у ноч з 11 на 12 лютага ў цэнтры «Кардыялёгія» праведзеная першая ў Беларусі перасадка сэрца.

2015 —У Менску завяршыўся саміт «нармандзкай чацьвёркі» і сустрэча Трохбаковай кантктннай групы па Данбасу, дамовіліся спыніць агонь і адвесьці цяжкую тэхніку.

У гэты дзень нарадзіліся:

1809 — Чарлз Дарвін, брытанскі навуковец-прыродазнаўца, заснавальнік эвалюцыйнай тэорыі пра паходжаньне відаў жывёл і расьлін.

1809 — Абрагам Лінкальн, амэрыканскі прэзыдэнт.

1872 — беларускі мастак, выдатны майстар пэйзажу Вітольд Бялыніцкі-Біруля.

1941 — беларускі харавы дырыжор Міхаіл Дрынеўскі.

1942 — беларускі скульптар Генадзь Буралкін.

У гэты дзень памерлі:

1798 — Станіслаў Аўгуст Панятоўскі, апошні польскі кароль і вялікі князь літоўскі.

1804 — Імануіл Кант, нямецкі філёзаф.

Цытата на памяць:

«Выбарчы бюлетэнь мацнейшы за кулю».

Абрагам Лінкальн.

XS
SM
MD
LG