Лінкі ўнівэрсальнага доступу

Бел-чырвона-белы сьцяг вывесілі побач з райвыканкамам у Жлобіне


Фота з сайту mfront.net

Фота з сайту mfront.net

Так «Малады Фронт», зарэгістраваны ў Чэхіі, працягвае акцыю «Люблю Беларусь».

Як паведамляе сайт арганізацыі, сьцяг вывешаны ў цэнтры горада на вуліцы Пятроўскага, на галоўнай плошчы.

«Бел-чырвона-белы маратон крочыць па краіне, моладзь сьмела выходзіць на галоўныя плошчы гарадоў, каб узьняць над Беларусьсю бел-чырвона-белы сьцяг Хрыста. Радуе таксама, што няма затрыманых. Нашыя людзі для нас каштоўныя, таму і робіцца ўсё падрыхтавана і беспамылкова», — прыводзіць сайт словы аднаго зь лідэраў арганізацыі, былога палітвязьня Яўгена Васьковіча.

Акцыя пачалася 4 лютага і будзе цягнуцца 10 дзён. Раней бел-чырвона-белыя сьцягі зьявіліся ў Бабруйску і Маладэчна. Завершыцца акцыя ў Менску віншаваньнем выбітных беларускіх дзеячоў культуры.

Паказаць камэнтары

XS
SM
MD
LG