Лінкі ўнівэрсальнага доступу

logo-print

Абама прапанаваў падатак на нафту 10 даляраў за барэль


Барак Абама

Барак Абама

Такім чынам Белы дом прапануе вырашыць транспартную праблему. Але Кангрэс хутчэй за ўсё адхіліць прапанову.

У праекце бюджэту на 2017 год прэзыдэнт ЗША Барак Абама прапанаваў увесьці падатак для нафтавых кампаніяў у памеры 10 даляраў на барэль нафты.

Падатак, тлумачаць у Белым доме, патрэбны для фінансаваньня прэзыдэнцкага пляну па разьвіцьці экалягічнага транспарту, на які такім чынам атрымаецца здабыць каля 20 мільярдаў даляраў на год:

Каб задаволіць нашыя патрэбы ў будучыні, мы мусім рабіць значныя інвэстыцыі ва ўсе віды транспарту.

«Занадта доўга двухпартыйная падтрымка інавацыйнага і экспансіўнага інвэставаньня ў перавозкі не суправаджалася доўгатэрміновым плянамі для аплаты за яго. Нам патрэбнае трывалае рашэньне аб фінансаваньні, у якім улічваецца ўзаемазалежная структура нашай транспартнай сыстэмы, — гаворыцца на сайце Белага дома. — Вандроўнікі абіраюць паміж хадой, яздой на ровары, паездкамі на аўто і на цягніку, палётамі; кампаніі абіраюць паміж машынамі, баржамі, самалётамі і чыгункай. Такім чынам, каб задаволіць нашыя патрэбы ў будучыні, мы мусім рабіць значныя інвэстыцыі ва ўсе віды транспарту. І нашая транспартная сыстэма ў значнай ступені залежыць ад нафты. Менавіта таму мы прапануем фінансаваць гэтыя інвэстыцыі праз новы падатак у 10 даляраў за барэль з нафтавых кампаніяў, які будзе паэтапна ўводзіцца на працягу пяці гадоў».

Праграма скіраваная на скарачэньне выкідаў вуглякіслага газу рознымі шляхамі: праз плянаваньне земляробства, інвэставаньне ў «чыстыя» запраўкі, разьвіцьцё грамадзкага транспарту, зьніжэньне залежнасьці ад нафты і мноства іншых напрамкаў. Інвэстыцыі ў экалягічны транспарт маюць падвысіцца на палову ў параўнаньні зь цяперашнім узроўнем.

«Прапанаваны падатак, які будзе выплочвацца нафтавымі кампаніямі і паэтапна ўводзіцца на працягу пяці гадоў, сустрэлі з пагардай заканадаўцы ў кантраляваным рэспубліканцамі Кангрэсе», — камэнтуе праект Reuters.

Сьпікер Незалежнай нафтавай асацыяцыі Амэрыкі Ніл Кірбі дадае: пры цане каля 30 за барэль нафтавыя кампаніі перажываюць найвялікшы за 25 год фінансавы крызіс, няма сэнсу павялічваць выдаткі індустрыі — падатак пакладзецца на плечы спажыўцоў.

Паказаць камэнтары

XS
SM
MD
LG