Лінкі ўнівэрсальнага доступу

Ужо сёньня, 5 лютага: дзень народзінаў Леаніда Шчамялёва


Леанід Шчамялёў у сваёй майстэрні

Леанід Шчамялёў у сваёй майстэрні

Падзеі дня ў Беларусі, сьвеце, гісторыі.

Менск — прэзэнтацыя беларуска-ўкраінскага альманаха «Справа». Імпрэза адбудзецца ў межах «Года ўкраінскай літаратуры з кнігарняй логвінаЎ». У прэзэнтацыі альманаха бяруць удзел галоўны рэдактар Алесь Наварыч, Наталка Бабіна, Пётр Кулік, Ліда Наліўка ды іншыя аўтары. Кнігарня «логвінаЎ» (Незалежнасці 37а). Пачатак а 19-ай.

У гісторыі:

1494 — заключаны «вечны мір» паміж Вялікім князем літоўскім Аляксандрам і Вялікім князем маскоўскім Іванам III, які завяршыў вайну 1487-1494 гадоў.

1917 — У выніку мэксыканскай рэвалюцыі прынятая Канстытуцыя Злучаных Штатаў Мэксыкі.

1940 — Пачалася дэпартацыя некаторых катэгорый насельніцтва з Заходняй Беларусі ва ўнутраныя раёны СССР.

1946 — Уступіла ў дзеяньне «Дамова паміж СССР і Польскай Рэспублікай аб савецка-польскай дзяржаўнай мяжы». Юрыдычна зафіксаваны пераход Заходняй Украіны і Заходняй Беларусі ад Польшчы да СССР. Польшчы перадавалася Беластоцкая вобласьць.

1958 — Гамаль Абдул Насер вылучаецца на пасаду прэзыдэнта Аб’яднанай Арабскай Рэспублікі (аб’яднаная дзяржава Сірыі і Эгіпту, праіснавала з лютага 1958 па верасень 1961 году)

1979 — Аятала Рухала Мусаві Хамейні абвясьціў Іран ісламскай дзяржавай

1992 — Усталяваны дыпляматычныя адносіны паміж Беларусьсю і Аўстрыяй

У памяці:

1923 — Нарадзіўся Леанід Шчамялёў, беларускі жывапісец, народны мастак Беларусі

1930 — Нарадзіўся Расьціслаў Янкоўскі, беларускі актор

1637 — Памёр Іосіф Вельямін Руцкі, беларускі пісьменнік, уніяцкі царкоўны дзеяч

1964 — Нарадзіўся Уладзімір Ляхоўскі, беларускі гісторык

1999 — Памёр Васіль Лявонцьеў, амерыканскі навуковец-эканаміст, лаўрэат Нобелеўскай прэміі па эканоміцы

2003 — Памёр Нічыпар Пашкевіч, беларускі крытык і літаратуразнаўца

Цытата:

«Беларус паўстане тады, калі ў яго забяруць апошняе. Калі сьцярпець апошні зьдзек ужо не магчыма. Але ён паўстане. Якімі дамовамі ды й актамі акупанты не імкнуліся замацаваць сваё захопніцтва, прыйдзе час і гэта ўсё распаўзецца „струхнелымі“ ніткамі. А паняволены народ здабудзе сваю волю».

Уладзімір Ляхоўскі

Паказаць камэнтары

XS
SM
MD
LG