Лінкі ўнівэрсальнага доступу

Dzieciuki прысьвяцілі песьню Тадэвушу Касьцюшку


Гурт Dzieciuki

Гурт Dzieciuki

Музыкі прэзэнтавалі песьню «Тадэвуш Касьцюшка» ў дзень народзінаў нацыянальнага героя.

4 лютага 1746 году ў фальварку Марачоўшчына нарадзіўся кіраўнік антырасейскага паўстаньня 1794 году і ўдзельнік вайны за незалежнасьць ЗША, нацыянальны герой Беларусі, Польшчы, Злучаных Штатаў Тадэвуш Касьцюшка. Роўна празь 270 год гарадзенскі гурт Dzieciuki прадставіў на Tuzin.fm песьню «Тадэвуш Касьцюшка».

На жаль, гэтая опцыя пакуль што недаступная

«Для нас Тадэвуш Касьцюшка — увасабленьне гонару і годнасьці народа, які жыве на той самай зямлі, што дала яму жыцьцё. Гэты змагар-рамантык жыве ў кожным з нас — тых, хто шукае лепшага і справядлівага», — камэнтуе песьню гурт. Паслухаць песьню нажывую можна будзе 27 лютага падчас выступу гурту на прэміі «Даём рады» ў менскім Re:Public і на прэзэнтацыі альбому «Рэха», у які ўвойдзе песьня, 12 сакавіка ў Беластоку. Разам з тым гурт плянуе даць і сольны канцэрт у Менску.

XS
SM
MD
LG