Часопіс The New Times атрымаў папярэджаньне ад «Роскомнадзора». Пра гэта тэлеканалу РБК распавяла галоўная рэдактарка выданьня Яўгенія Альбац.
Прычынай паслужыла публікацыя артыкулу «Толькі б не было вайны» ад 16 студзеня. У ёй згадваецца «Правы сэктар» без указаньня, што гэтая арганізацыя прызнана ў Расеі экстрэмісцкай і забаронена.
Факт вынясеньня папярэджаньня пацьвердзіў прэс-сакратар «Роскомнадзора» Вадзім Ампелонскі. «Гэта відавочнае парушэньне, мы шмат разоў папярэджвалі СМІ, як трэба пісаць пра забароненыя арганізацыі», — сказаў Ампелонскі.
Часопіс The New Times 1 лютага апублікаваў расьсьледаваньне аб старэйшай дачцэ прэзыдэнта Расеі Ўладзімера Пуціна — Марыі. Пра гэта інфармуе сайт meduza.io.
Пасьля публікацыі матэрыялу сайт The New Times аказаўся недаступны для наведнікаў. Ён перастаў адкрывацца каля паўдня і на момант напісаньня тэксту працаваў з перабоямі. Альбац падазрае, што «на сайт ідуць магутныя DDoS-атакі». Альбац удакладніла, што апошнім разам такой масаванай атацы з боку хакераў выданьне падвяргалася пасьля публікацыі інтэрвію з былым кіраўніком ЮКАСу Міхаілам Хадаркоўскім у 2013 годзе.