Афіша
Менск, в. Азярцо -- “Вясёлая нядзеля” ў музэі народнай архітэктуры і побыту, пачатак 13.30
Берасьце – бясплатная экскурсія «Я быў тут». Беларускамоўны аповед пра культурнае развіцьцё Берасьцейшчыны ў “Музэі гісторыі горада Берасьця”. Да ўдзелу запрашаюць усіх ахвотных. Месца збору для першай культурнай прагулкі ў а 15-ай каля ўвахода ў Музэй (вул. Леванеўскага 3).
У гэты дзень нарадзіліся:
1892 – беларускі паэт Алесь Гурло.
1924 – Тэнгіз Абуладзэ, грузінскі кінарэжысэр.
1929 – беларускі гісторык Анатоль Грыцкевіч.
1935 – Кэндзабура Оэ, японскі пісьменьнік, ляўрэат Нобэлеўскай прэміі.
1975 – беларускі пісьменьнік Альгерд Бахарэвіч.
У гэты дзень памерлі:
1930 – Бэнэдыкт Дыбоўскі, заоляг, прыродазнаўца, лекар, публіцыст, удзельнік паўстаньня 1863–1864 гадоў.
2005 – Кастусь Рамановіч, удзельнік падпольнага Саюзу Вызваленьня Беларусі ў Наваградку, вязень савецкіх канцлягераў.
2013 – Мікалай Амельяновіч, беларускі дзяржаўны дзяяч, 1-ы старшыня праўленьня Нацыянальнага банку Рэспублікі Беларусь.
Цытата
«Культура курцоў (не абавязкова курцоў у літаральным сэнсе) – культура індывідуальнай свабоды, культура інтэлектуальнага пратэсту, культура, пабудаваная на рэлятывізьме, на каштоўнасьці сумненьня, на прызнаньні сьвятасьці вольнага выбару, культура анархічная і вельмі гуманістычная ўжо некалькі дзесяцігодзьдзяў супрацьстаіць культуры Здаровенькіх — культуры дэспатычнай, штучнай, культуры, якая функцыянуе дзеля дзяржавы і ў сымбіёзе зь ёй, культуры, заснаванай на штампах і догмах, культуры ідэалістычнай і псэўдагуманістычнай, падтрыманай цэлай ардою масмэдыяў, культуры ваяўнічай і да агіды рацыянальнай. Курэц у шырокім сэнсе — апошні чалавек на Зямлі».
Альгерд Бахарэвіч
