Каля 300 віцебскіх прадпрымальнікаў сабраліся каля Віцебскага аблвыканкаму, каб сустрэцца зь яго прадстаўнікамі і абмеркаваць пытаньне адмены ўказу № 222.
Гэтая сустрэча была заплянаваная на 22 студзеня. Тады прадпрымальнікі дамовіліся, што прыйдуць да Віцебскага аблвыканкаму, і зь імі сустрэнецца прадстаўнік абласных уладаў — нехта з намесьнікаў старшыні аблвыканкаму. Сустрэча была прызначаная на 11 гадзінаў 28 студзеня.
А 11.30 да прадпрымальнікаў ніхто так і ня выйшаў, яны чакаюць і тэлефануюць у аблвыканкам і патрабуюць перамоваў з уладамі.
