Украінская патрульная паліцыя аштрафавала жонку прэм’ер-міністра Ўкраіны Арсенія Яцанюка, Тэрэзію. Пра гэта паведамляе агенцтва «Укрінфарм».
Інцыдэнт адбыўся на вуліцы Верхні Вал, што ў Падольскім раёне Кіева. Штраф у памеры 425 грыўняў (прыблізна 16 даляраў) за размовы па тэлефоне пры кіраваньні аўтатранспартным сродкам Тэрэзія Яцанюк аплаціла на месцы.
Паліцэйскі, які накладаў штраф, ад камэнтароў адмовіўся.