Лінкі ўнівэрсальнага доступу

logo-print

Тэлебачаньне: У мітынгу ў Грозным удзельнічаў мільён чалавек. Усё насельніцтва рэгіёну 1.300.000


Расейскі палітык Аляксей Навальны патрабуе праверыць мітынг ў падтрымку Кадырава. На думку палітыка, удзельнікаў зганялі на плошчу гвалтам.

Заснавальнік Фонду барацьбы з карупцыяй Аляксей Навальны напісаў заяву ў Сьледчы камітэт Расеі з просьбай распачаць крымінальную справу па двух артыкулах Крымінальнага Кодэксу РФ па выніках правядзеньня ў Грозным мітынгу ў падтрымку кіраўніка Чачні Рамзана Кадырава. Пра гэта палітык паведаміў у пятніцу, 22 студзеня, у сваім блогу.

Палітык заявіў, што ўдзельнікаў акцыі зганялі на плошчу прымусова, што парушае Крымінальны Кодэкс. Паколькі большая частка мітынгоўцаў занятая ў бюджэтнай сфэры, Навальны лічыць час, выдаткаваны імі на наведваньне акцыі, марнаваньнем бюджэтных сродкаў.


Навальны просіць Сьледчы камітэт правесьці праверку і, калі зьвесткі пацьвердзяцца, распачаць крымінальную справу за прымус да ўдзелу ў сходах, шэсьцях і пікетаваньні, і за нямэтавае марнаваньне бюджэтных сродкаў.


Раней сёньня ў Грозным на плошчы перад мячэцьцю «Сэрца Чачні» прайшла масавая акцыя ў падтрымку Рамзана Кадырава. Як сьцьвярджае тэлекампанія «Грозны ТБ», у ёй прымалі ўдзел каля мільёна чалавек — пры тым, што ўсё насельніцтва рэгіёну не перавышае 1.300.000 чалавек


На плякатах удзельнікаў былі лёзунгі, накіраваныя супраць расейскіх апазыцыйных дзеячаў і ў падтрымку кіраўніцтва Чачні і Расеі: «Мы — за Расею!», «Мы — за Ўладзіміра Пуціна!», «Мы — за Рамзана Кадырава!», «У адзінстве — наша сіла!» Удзельнікі акцыі, як перадае «Грозны ТБ», заяўлялі пра сваю занепакоенасьць узмацненьнем інфармацыйнай вайны супраць Расеі з боку «лібэральных СМІ» і заклікалі выступіць адзіным фронтам супраць «інфармацыйнай агрэсіі прадстаўнікоў несыстэмнай апазыцыі».


У рэзалюцыі мітынгу пералічваліся імёны прадстаўнікоў апазыцыі, сярод якіх Навальны, Хадаркоўскі, Венядзіктаў, Каляпін, Панамароў, Яшын, Каспараў, Шэндэровіч, Касьянаў, Ганушкіна, Шабураў, Альбац.

Паказаць камэнтары

XS
SM
MD
LG