Лінкі ўнівэрсальнага доступу

Лукашэнка заклікае выходзіць прыбіраць сьнег


Аляксандар Лукашэнка, архіўнае фота

Аляксандар Лукашэнка, архіўнае фота

Кіраўнік Беларусі Аляксандар Лукашэнка прызнаў, што ў Менску не пасьпяваюць прыбраць сьнег. Ён заклікаў усіх далучыцца да ўборкі сьнегу.

Гэтую заяву Лукашэнка зрабіў падчас цырымоніі ўручэньня прэміі прэзыдэнта «За духоўнае адраджэньне».

Ён папрасіў кіраўнікоў, у тым ліку вэртыкалі ўлады, а таксама прадпрыемстваў узмацніць працу па ліквідацыі сьнежных затораў, якія ўзьніклі ў гарадах і вёсках на дарогах, а таксама на аўтамагістралях. Таксама ён заклікаў людзей далучыцца да прыбіраньня сьнегу ў дварах дамоў, на тэрыторыях:

«Я вас пераканаўча прашу — трэба выйсьці і дапамагчы з уборкай сьнегу».

Лукашэнка прызнаў, што ў Менску не пасьпяваюць прыбраць сьнег, нягледзячы на ўсе прынятыя меры, менавіта таму патрабуецца дапамога ўсіх, каб прывесьці горад у парадак.

Уборку сьнегу даручана кантраляваць прэм’ер-міністру Андрэю Кабякову і кіраўніку прэзыдэнцкай адміністрацыі Аляксандру Косінцу, перадае БелТА.

Паказаць камэнтары

XS
SM
MD
LG