Лінкі ўнівэрсальнага доступу

Кіеў скардзіцца на італьянскае выданьне, якое вызначыла Крым расейскім


Міністэрства замежных спраў Украіны патрабуе ад італьянскага аналітычнага выданьня «Лімес» замяніць на сайце мапу, на якой некарэктна пазначаная тэрытарыяльная прыналежнасьць Крыму.

«Амбасадар Украіны ў Італіі зьвярнуўся ў рэдакцыю часопіса з патрабаваньнем прывесьці мапы ў адпаведнасьць з нормамі міжнароднага права», — інфармуе МЗС Украіны ў Facebook.

Сярод іншага, у сваім лісьце украінскі дыплямат адзначыў, што тэхнічная памылка або сьвядомая правакацыя, «якая зьяўляецца выклікам тэрытарыяльнай цэласнасьці Украіны, ігнаруюць кансалідаваную пазыцыю ЭЗ і ААН аб непрызнаньні акупацыі Крыму з боку Расейскай Фэдэрацыі».

Раней на гэтым тыдні кампанія Coca-Cola выбачылася за апублікаваныя ў Расеі мапы, на якіх Крым пазначаны як расейская тэрыторыя.

5 студзеня расейскае прадстаўніцтва кампаніі Coca-Cola разьмясьціла ў сацыяльнай сетцы «Укантакце» мапу, на якой часткай Расеі быў намаляваны Крым — тэрыторыя, якую міжнародная супольнасьць лічыць акупаванай Расеяй.

Пасьля таго, як вакол гэтага ўспыхнуў скандал з заклікамі да ўкраінцаў байкатаваць прадукцыю кампаніі Coca-Cola, мапа Расеі ўвогуле была зьнятая з сацыяльных сетак кампаніі.

Паказаць камэнтары

XS
SM
MD
LG