У Першамайскім судзе Менску 5 студзеня пачаўся працэс над актывістам «Эўрапейскай Беларусі» Леанідам Кулаковым.
Яго вінавацяць у незаконным пікетаваньні. У Міжнародны дзень правоў чалавека 10 сьнежня Кулакоў на бульвары Талбухіна стаяў з плякатам супраць сьмяротнага пакараньня.
Віны актывіст не прызнае, бо лічыць, што не парушаў закону, калі проста заявіў сваю пазыцыю адносна сьмяротнага пакараньня.
Разглядае справу Кулакова судзьдзя Юры Гарбатоўскі.
