Лінкі ўнівэрсальнага доступу

Ужо сёньня, 2 студзеня: дзень народзінаў Айзэка Азімава 


Сьвяткваньне Новага году ў Менску

Сьвяткваньне Новага году ў Менску

Падзеі дня ў Беларусі, сьвеце, гісторыі

У гісторыі

1793 – наступіў другі падзел Рэчы Паспалітай.

1839 – Люі Дагер зрабіў першую фотаздымку Месяца.

1843 – у Дрэздэне адбылася першая пастаноўка опэры Рыхарда Вагнэра «Лятучы галяндзец».

1981 – у Менску заснаванае выдавецтва «Юнацтва».



У гэты дзень нарадзіліся:

1920 – Айзэк Азімаў, амэрыканскі пісьменьнік-фантаст. Азімаў нарадзіўся ў вёсцы Пятровічы, якая належала да БССР (цяпер у Смаленскай вобласьці Расеі). У 1923 годзе сям’я Азімавых эмігравала ў ЗША.

1928 – Уладзімер Цьвірка, дзяяч беларускай эміграцыі (Нямеччына, Ангельшчына, Бэльгія), журналіст.

1932 – Базыль Белаказовіч, польскі літаратуразнавец, доктар філялёгіі, прафэсар. Дасьледаваў беларускую літаратуру XIX стагодзьдзя, творчасьць польска-беларускіх пісьменьнікаў, беларускія тэмы і матывы ў польскай літаратуры і польскія ў беларускай.

1949 – Генадзь Навіцкі, прэм’ер-міністар Рэспублікі Беларусь, старшыня Савету Рэспублікі Нацыянальнага сходу.

1950 – Сямён Домаш, беларускі палітык.

1956 – Валянціна Пархоменка, сьпявачка, заслужаная артыстка Беларусі, жыве ў ЗША.

У гэты дзень памерлі

1864 – Ігнат Здановіч, адзін з кіраўнікоў паўстаньня 1863 – 1864 гг. У Беларусі і Літве.

1946 – Фабіян Абрантовіч – беларускі рэлігійны і грамадзкі дзяяч, тэарэтык і практык нацыянальнага ўніяцтва. У канцы верасьня 1939 году быў арыштаваны савецкімі органамі бясьпекі і больш за 5 гадоў правёў у зьняволеньні. Памёр ад катаваньняў у Бутырскай турме. Месца пахаваньня невядомае.

1950 – Юзаф Ядкоўскі, археоляг, нумізмат, краязнаўца, дасьледнік гісторыі Гарадзеншчыны. У 1922 годзе заснаваў у Горадні гістарычна-археалягічны музэй.

1986 – Уладзімер Тарасевіч – каталіцкі сьвятар-бэнэдыктынец, біскуп, доктар багаслоўя, апостальскі візытатар для беларусаў-каталікоў на Захадзе.

Цытата

“Кожны можа верыць, у што ён хоча. Я толькі супраць таго, каб прымушаць усіх верыць у нешта адно”.

Айзэк Азімаў.

XS
SM
MD
LG