Памылкі трэба прызнаваць. Шоры. Калі пераацаніў свае мажлівасьці ці пацярпеў ад уласнае бязьдзейнасьці, бестурботнасьці. Калі нежаданьне несьці адказнасьць сапсавала справу — тваю, ці горш — чужую. Калі з такою праўдаю сутыкаесься, ці калі цябе зь ёю сутыкаюць, робіцца няўтульна. Шыя выдоўжваецца, бо ты зьдзіўлены, ці ўцягваецца ў плечы — бо галава хоча схавацца, абараніць эга.
Ноч перасьні і падзякуй чалавеку, які не дазволіў табе маніпуляваць, прыдумляць, выкручвацца. Прызнай, якім ты можаш быць маленькім, зласьлівым і сьляпым, калі занадта моцна фіксуесься на ўласных інтарэсах, на сваёй «непаўторнай» асобе. Ды вызваліся, распавёўшы пра гэта іншым.
Юлія Цяльпук
Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org