Расейскі рубель 30 сьнежня дасягнуў самага нізкага ўзроўню за год ў адносінах да даляру — 73,2 рубля за даляр. Рубель страціў 40 адсоткаў сваёй вартасьці за мінулы год.
Эканоміка Расеі моцна пацярпела ад санкцый, уведзеных ЗША, Эўразьвязам і шэрагам іншых краін з-за анэксіі Масквой Крыма і падтрымкі сэпаратыстаў на ўсходзе Украіны.
Цэны на нафту — ключавы экспартны тавар Расеі — цяпер вагаюцца ў раёне 11-гадовых мінімумаў.
Падзеньне расейскага рубля адбілася і на эканоміцы Беларусі.
