Афіша:
Менск, у галерэі сучаснага мастацтва «Ў» адбудзецца калядны кірмаш.
Менск, Дзяржаўны літаратурна-мэмарыяльны музэй Якуба Коласа прадстаўляе праект «Зімовыя канікулы ў Доме Коласа». У 11 гадзінаў — лялечнае прадстаўленьне «Як зьвяры зіму сустракалі»,
у 15 гадзінаў — калядны фэстываль беларускіх гульняў.
Менск, у Нацыянальным мастацкім музэі (вул. Леніна, 20) адбудзецца канцэрт з сэрыі «Палітра любімай клясыкі» ў выкананьні Дзяржаўнага Акадэмічнага сымфанічнага аркестру Беларусі пад кіраўніцтвам народнага артыста Беларусі Аляксандра Анісімава. Пачатак у 19 гадзінаў.
Дзень у гісторыі:
1667 — быў закрыты Віленскі манэтны двор. З канца XV стагодзьдзя ён быў асноўным цэнтрам манэтнай прамысловасьці Вялікага Княства Літоўскага.
1806 — Турэччына абвяшчае вайну Расеі. Расея займае Баку.
1842 — у дачыненьні да Беларусі ўпершыню быў ужыты расейскі імпэрскі тэрмін «Северо-Западный край».
1918 — 6-я Паўночна-Заходняя канфэрэнцыя РКП (б) у Смаленску абвясьціла сябе І зьездам камуністычнай партыі (бальшавікоў) Беларусі, а таксама прыняла пастанову «Аб абвяшчэньні Заходняй Камуны Беларускай Савецкай Рэспублікай», г. зн. аб стварэньні Беларускай ССР.
1922 — Беларусь уключылі ў склад СССР. І Усесаюзны зьезд саветаў прыняў дэклярацыю і дамову аб утварэньні СССР.
1966 — улады БССР прынялі пастанову аб выданьні «Беларускай савецкай энцыкляпэдыі».
1990 — пачаўся рэгулярны рух цягнікоў па другой лініі Менскага мэтрапалітэну на ўчастку ад станцыі «Трактарны завод» да станцыі «Фрунзэнская».
1992 — Беларусь устанавіла дыпляматычныя дачыненьні зь Літвой.
2004 — Міхаіла Марыніча, былога беларускага міністра і пасла, засудзілі на 5 гадоў турмы за нібыта скрадзеныя кампутары.
2006 — пакараны сьмерцю былы дыктатар Іраку Садам Хусэйн.
У гэты дзень нарадзіліся:
1865 — Рэд’ярд Кіплінг, ангельскі пісьменьнік, ляўрэат Нобэлеўскай прэміі па літаратуры.
1880 — Антон Баначыч, беларускі сьпявак і пэдагог
1904 — Зэлік Аксельрод, беларускі габрэйскі паэт, перакладчык беларускай паэзіі на ідыш.
У гэты дзень памерлі:
1937 — у Менску расстралялі Аляксандра Цьвікевіча, беларускага палітыка, гісторыка, публіцыста, міністра замежных спраў ва ўрадзе БНР.
1944 — Рамэн Ралян, францускі пісьменьнік, ляўрэат Нобэлеўскай прэміі па літаратуры
1984 — Макар Пасьлядовіч, беларускі пісьменьнік і перакладчык
Цытата:
Бог ня мог быць паўсюль, і таму ён зрабіў маці.
Рэд’ярд Кіплінг
