Афіша:
У кнігарні «Галіяфы» Альгерд Бахарэвіч прэзэнтуе свой новы раман — «БЕЛАЯ МУХА, ЗАБОЙЦА МУЖЧЫН». Вокладка — Юля Цімафеева; рэдактар — Сяргей Шупа. На прэзэнтацыі раман будзе прадавацца без нацэнкі.
У гісторыі:
1895 — нямецкі фізык-экспэрымэнтатар Вільгельм Конрад Рэнтген абвясьціў пра адкрыцьцё выпрамяненьня, за якое пазьней стаў першым ляўрэатам Нобэлеўскай прэміі па фізыцы.
1908 — у Вільні заснаваная друкарня таварыства «Наша хата», што выдавала беларускія падручнікі і дзіцячыя кніжкі.
1910 — нарадзіўся Іван Шаціла, народны артыст Беларусі.
1913 — у віленскай друкарні Марціна Кухты выйшла першая і адзіная прыжыцьцёвая кніжка Максіма Багдановіча «Вянок».
1920 — скончыліся баявыя дзеяньні Слуцкага антыбальшавіцкага паўстаньня, якое доўжылася адзін месяц.
1991 — Беларусь усталявала дыпляматычныя адносіны з ЗША.
2011 — заснавана літаратурная прэмія імя Ежы Гедройца.
У памяці:
1925 — памёр расейскі паэт Сяргей Ясенін.
1984 — памёр беларускі пісьменьнік і мовазнаўца Мiкола Лобан.
Цытата:
Жывеш ня вечна, чалавек, —
Перажыві ж у момант век!
Каб хвалявалася жыцьцё,
Каб больш разгону ў ім было,
Каб цераз край душы чуцьцё
Ня раз, ня два пайшло!
Жыві і цэльнасьці шукай,
Аб шыраце духоўнай дбай.
І ў напружэньні паўнаты
Свайго шырокага жыцьця
Бяз болю, ціха зойдзеш ты
Ў краіну забыцьця.
Максім Багдановіч