Сямігадовы гарэза бяжыць шчасьлівы ад школы да самага дому, увесь аж зьзяе, бы новы мядзяк.
Мама! Мама! Мяне настаўніца пахваліла! — радасна крычыць ён з парога.
Ты, мусіць, сёньня на ўроку пісаў чыста? — з надзеяй пытае маці, стомленая ад ягоных свавольстваў ды настаўніцкіх скаргаў.
Ды не!
Чытаў правільна?
Не! — захоўвае інтрыгу малы.
Тады можа добра сябе паводзіў?
Не!
Ну, а што тады? — усё яшчэ цешыцца прыемнаю навіною маці.
Грошы здаў самы першы! — сьвеціцца ад шчасьця найлепшы вучань.
Тацяна Барысік
Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org