Лінкі ўнівэрсальнага доступу

Эўразьвяз падаўжае санкцыі супраць Расеі яшчэ на шэсьць месяцаў


Такое рашэньне прынялі ў Брусэлі сталыя прадстаўнікі 28 краінаў ЭЗ.

Яно матывавана адсутнасьцю істотнага прагрэсу ў выкананьні Расеяй ўсіх умоваў Менскіх пагадненьняў аб мірным урэгуляваньні канфлікту на ўсходзе Ўкраіны, у якім, як лічыць ЭЗ, Масква актыўна падтрымлівае сэпаратыстаў. Расея гэта катэгарычна адхіляе.

Абмежаваньні тычацца энэргетычнай і банкаўскай сфэраў, а таксама абароннай прамысловасьці Расеі. Рашэньне стане канчатковым 21 сьнежня пры ўмове, што ніхто з краінаў Эўразьвязу не прадставіць пісьмовых пярэчаньняў.

Раней сумнеў у мэтазгоднасьці санкцый супраць Расеі неаднаразова выказвала Італія, аднак пад ціскам меркаваньня большасьці краінаў ЭЎ яна далучылася да цяперашняга рашэньня.

Дзейсныя санкцыі ЭЗ заканчваюцца 31 студзеня 2016 года.

XS
SM
MD
LG